బాధిత కుటుంబానికి న్యాయం చేయాలి..

నాతరి సతీష్ హత్య కేసులో బాధిత కుటుంబానికి న్యాయం చేయాలి

నాలుగు నెలలైనా ఆదుకోని అధికార యంత్రాంగం.. ఎమ్మార్పీఎస్ నేతల ఆగ్రహం

మన భారత్, నేరడిగొండ: అక్టోబర్ 13,

ఆదిలాబాద్ జిల్లా నేరడిగొండ మండలం బుగ్గారం గ్రామానికి చెందిన దళిత యువకుడు నాతరి సతీష్ హత్య కేసులో బాధిత కుటుంబానికి తక్షణమే న్యాయం చేయాలని ఎమ్మార్పీఎస్ నాయకులు డిమాండ్ చేశారు. హత్య జరిగి నాలుగు నెలలు గడుస్తున్నప్పటికీ బాధిత కుటుంబానికి ప్రభుత్వ పరంగా అండదండలు అందకపోవడంపై వారు ఆవేదన వ్యక్తం చేశారు. జిల్లా అధికార యంత్రాంగం వెంటనే స్పందించి బాధిత కుటుంబాన్ని ఆదుకోవాలని కోరారు.

బాధిత కుటుంబాన్ని పరామర్శించాలి

ఈ సందర్భంగా ఎమ్మార్పీఎస్ జిల్లా అధ్యక్షుడు మల్లేష్ అన్న, నాయకుడు స్వామి అన్న మాట్లాడుతూ.. నాతరి సతీష్ హత్య జరిగి నాలుగు నెలలు గడుస్తున్నా జిల్లా కలెక్టర్, ఎస్సీ సంక్షేమ శాఖ అధికారులు, స్థానిక మండల తహశీల్దార్ బాధిత కుటుంబాన్ని పరామర్శించకపోవడం విచారకరమని అన్నారు. నిరుపేద దళిత కుటుంబానికి చెందిన యువకుడు హత్యకు గురైనా, కుటుంబానికి అండగా నిలిచేందుకు అధికారులు తగిన చర్యలు తీసుకోలేదని విమర్శించారు.

ఆర్థిక సహాయం అందించాలని డిమాండ్

సతీష్ కుటుంబానికి ఇప్పటివరకు ఎలాంటి ఆర్థిక సహాయం అందలేదని ఎమ్మార్పీఎస్ నాయకులు పేర్కొన్నారు. కుటుంబ పెద్దను కోల్పోయిన బాధలో ఉన్న బాధితులకు ప్రభుత్వం భరోసా కల్పించాలని, ఆర్థికంగా ఆదుకునేందుకు చర్యలు తీసుకోవాలని కోరారు. బాధిత కుటుంబానికి న్యాయం చేయడంలో అధికారులు నిర్లక్ష్యం వహించకుండా, సమస్యను తక్షణమే పరిష్కరించాలని డిమాండ్ చేశారు.

స్పందించకపోతే జిల్లా వ్యాప్తంగా ఉద్యమం

జిల్లా కలెక్టర్ వెంటనే స్పందించి నాతరి సతీష్ కుటుంబానికి న్యాయం జరిగేలా చర్యలు చేపట్టాలని ఎమ్మార్పీఎస్ నాయకులు కోరారు. బాధిత కుటుంబానికి తగిన న్యాయం, ప్రభుత్వ సహాయం అందించకపోతే రాబోయే రోజుల్లో ఎమ్మార్పీఎస్ ఆధ్వర్యంలో జిల్లా వ్యాప్తంగా ఆందోళన కార్యక్రమాలు చేపడతామని హెచ్చరించారు. దళిత కుటుంబాలకు న్యాయం జరిగే వరకు తమ పోరాటం కొనసాగిస్తామని స్పష్టం చేశారు.

రిపోర్టర్: గజ్జల పురుషోత్తం, నేరడిగొండ

Cell Number : cell_number : 9573391945

User Name : user_name : Gomtimukkula prasad