సవర్గంలో ఆడే గజేందర్ పర్యటన.. రూ.2 లక్షల సీఎంఆర్‌ఎఫ్ చెక్కు పంపిణీ
బాధిత కుటుంబాలకు కాంగ్రెస్ పార్టీ అండగా ఉంటుంది: బోథ్ నియోజకవర్గ కాంగ్రెస్ ఇన్‌చార్జి ఆడే గజేందర్
మన భారత్, అక్టోబర్ 4, నేరడిగొండ ప్రతినిధి: బాధిత కుటుంబాలకు కాంగ్రెస్ పార్టీ ఎల్లప్పుడూ అండగా ఉంటుందని బోథ్ నియోజకవర్గ కాంగ్రెస్ ఇన్‌చార్జి ఆడే గజేందర్ అన్నారు. నేరడిగొండ మండలంలోని సవర్గం గ్రామంలో ఆయన విస్తృతంగా పర్యటించి, పలువురు కుటుంబాలను పరామర్శించారు.
పర్యటనలో భాగంగా ఇటీవల మృతి చెందిన జాదవ్ అనిల్ కుటుంబాన్ని ఆడే గజేందర్ పరామర్శించారు. అనిల్ కుటుంబ సభ్యులను ఓదార్చి తన ప్రగాఢ సానుభూతిని తెలియజేశారు. కుటుంబానికి పార్టీ తరఫున అవసరమైన సహకారం అందించేందుకు కృషి చేస్తామని తెలిపారు.
అనంతరం అనారోగ్యంతో బాధపడుతున్న చౌహాన్ గులాబ్‌సింగ్‌ను ఆయన పరామర్శించారు. ఆరోగ్య పరిస్థితిని అడిగి తెలుసుకుని, వైద్యుల సూచనల మేరకు చికిత్స తీసుకోవాలని సూచించారు. గులాబ్‌సింగ్ త్వరగా కోలుకోవాలని ఆకాంక్షించారు.
రాథోడ్ ఇందాల్ నాయక్‌కు రూ.2 లక్షల సీఎంఆర్‌ఎఫ్ చెక్కు
సవర్గం గ్రామానికి చెందిన రాథోడ్ ఇందాల్ నాయక్‌కు ముఖ్యమంత్రి సహాయ నిధి (CMRF) నుంచి మంజూరైన రూ.2 లక్షల చెక్కును ఆడే గజేందర్ అందజేశారు. అనారోగ్యం, వైద్య ఖర్చుల నేపథ్యంలో సీఎంఆర్‌ఎఫ్ ద్వారా ఆర్థిక సహాయం అందడం బాధిత కుటుంబానికి కొంత ఊరటనిస్తుందని పేర్కొన్నారు.
ప్రభుత్వం ద్వారా అందాల్సిన మరింత సహాయం కోసం అవసరమైన విధంగా కృషి చేస్తామని ఆడే గజేందర్ హామీ ఇచ్చారు. ప్రజలకు అవసరమైన సమయంలో ప్రభుత్వ సంక్షేమ పథకాలు, సహాయ కార్యక్రమాలు అందేలా పార్టీ నాయకులు సహకరించాలని సూచించారు.
గ్రామ పర్యటన సందర్భంగా స్థానిక ప్రజల సమస్యలను కూడా ఆయన అడిగి తెలుసుకున్నారు. ప్రజలకు అందుబాటులో ఉంటూ వారి సమస్యల పరిష్కారానికి కృషి చేస్తామని తెలిపారు.
ఈ కార్యక్రమంలో బోథ్ బ్లాక్ ఆత్మ చైర్మన్ గొర్ల రాజు యాదవ్, కాంగ్రెస్ నాయకులు జాదవ్ గోపి, మద్దెల వినోద్, జాదవ్ చందు, మహేందర్, సురేష్, బీబీ చాంద్, ధనరాజ్, ప్రవీణ్, షేక్ మౌలానా, ఎండి సద్దాం తదితరులు పాల్గొన్నారు.
మీ పురుషోత్తం, మన భారత్, రిపోర్టర్, నేరడిగొండ.
జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి
