గిరిజన హక్కుల సాధన దినం..

గిరిజన హక్కుల సాధన దినం.. కేసీఆర్ చిత్రపటానికి ఘనంగా పాలాభిషేకం

మన భారత్, సెప్టెంబర్17, తలమడుగు: తెలంగాణలో గిరిజనుల రిజర్వేషన్ల పెంపు కోసం తీసుకున్న నిర్ణయాన్ని పురస్కరించుకుని ఆదిలాబాద్ జిల్లా తలమడుగు మండలం పాల్సి బి తండాలో ప్రత్యేక కార్యక్రమాన్ని నిర్వహించారు. గిరిజన హక్కుల సాధన దినంగా పేర్కొంటూ బీఆర్‌ఎస్ నాయకులు, గిరిజనులు కలిసి తెలంగాణ మాజీ ముఖ్యమంత్రి కేసీఆర్ చిత్రపటానికి ఘనంగా పాలాభిషేకం చేశారు.

గిరిజనుల సుదీర్ఘకాల డిమాండ్‌కు స్పందిస్తూ రిజర్వేషన్లను 4 శాతం నుంచి 10 శాతానికి పెంచుతూ కేసీఆర్ ప్రభుత్వం నిర్ణయం తీసుకున్న విషయాన్ని ఈ సందర్భంగా నాయకులు గుర్తుచేశారు. ఈ నిర్ణయానికి గుర్తుగా కార్యక్రమాన్ని నిర్వహిస్తున్నట్లు తెలిపారు.

పాల్సి బి తండాలో నిర్వహించిన కార్యక్రమంలో గిరిజనులు, బీఆర్‌ఎస్ కార్యకర్తలు పాల్గొని కేసీఆర్ చిత్రపటానికి పాలాభిషేకం చేశారు. గిరిజనుల విద్య, ఉద్యోగ అవకాశాల్లో రిజర్వేషన్ల ప్రాధాన్యతపై నాయకులు మాట్లాడారు. రిజర్వేషన్ల పెంపు నిర్ణయం గిరిజన సమాజానికి సామాజిక, విద్యా, ఉద్యోగ రంగాల్లో అవకాశాలను పెంచే లక్ష్యంతో తీసుకున్న చర్యగా వారు పేర్కొన్నారు.

ఈ సందర్భంగా గిరిజన హక్కులు, సంక్షేమం, అభివృద్ధికి సంబంధించిన అంశాలపై నాయకులు చర్చించారు. గిరిజనుల దీర్ఘకాలిక ఆకాంక్షలకు సంబంధించిన నిర్ణయాలను గుర్తుచేసుకుంటూ భవిష్యత్తులోనూ హక్కుల పరిరక్షణ కోసం ఐక్యంగా ముందుకు సాగాలని పిలుపునిచ్చారు.

కార్యక్రమంలో సర్పంచ్ ఆర్తి ప్రభు, గిరిజనులు, బీఆర్‌ఎస్ నాయకులు, కార్యకర్తలు, తండా ప్రజలు పాల్గొని కార్యక్రమాన్ని విజయవంతం చేశారు.

మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి

ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.