తహసీల్దార్ కార్యాలయంలో చోరీ కలకలం..

తహసీల్దార్ కార్యాలయంలో చోరీ కలకలం.. 15 ఫైళ్లు అపహరణ

సోమవారం రాత్రి తాళం పగలగొట్టి కార్యాలయంలోకి ప్రవేశించిన గుర్తుతెలియని వ్యక్తులు

మన భారత్, సెప్టెంబర్ 14,బజార్హత్నూర్: బజార్హత్నూర్ మండల తహసీల్దార్ కార్యాలయంలో సోమవారం రాత్రి గుర్తుతెలియని వ్యక్తులు తాళం పగలగొట్టి లోపలికి ప్రవేశించి 15 ఫైళ్లను తీసుకెళ్లిన ఘటన కలకలం రేపింది. ప్రభుత్వ కార్యాలయంలోనే చోరీ జరగడంతో స్థానికంగా ఈ ఘటన చర్చనీయాంశంగా మారింది.

సోమవారం రాత్రి కార్యాలయానికి తాళం వేసి సిబ్బంది వెళ్లిన అనంతరం గుర్తుతెలియని వ్యక్తులు కార్యాలయ తాళాన్ని పగలగొట్టి లోపలికి ప్రవేశించినట్లు సమాచారం. అనంతరం కార్యాలయంలోని పలు రికార్డులను పరిశీలించి, సుమారు 15 ఫైళ్లను తమ వెంట తీసుకెళ్లినట్లు తెలుస్తోంది.

మంగళవారం కార్యాలయానికి వచ్చిన సిబ్బంది తాళం పగలగొట్టి ఉండటాన్ని గమనించడంతో ఘటన వెలుగులోకి వచ్చింది. వెంటనే ఉన్నతాధికారులకు సమాచారం అందించడంతో పాటు పోలీసులకు ఫిర్యాదు చేసినట్లు తెలిసింది.

కార్యాలయంలోని కీలక ఫైళ్లను ఎత్తుకెళ్లడం వెనుక ఉద్దేశం ఏమిటనే కోణంలో పోలీసులు దర్యాప్తు చేపట్టాల్సి ఉంది. అపహరణకు గురైన ఫైళ్లలో ఏయే రికార్డులు ఉన్నాయి? వాటికి సంబంధించిన వ్యవహారాలు ఏమిటి? అనే అంశాలపై అధికారులు వివరాలు సేకరిస్తున్నారు.

ప్రభుత్వ కార్యాలయంలో భద్రతా ఏర్పాట్లపై కూడా ఈ ఘటన పలు ప్రశ్నలను లేవనెత్తింది. చోరీకి పాల్పడిన వ్యక్తులను గుర్తించేందుకు కార్యాలయం పరిసరాల్లోని సీసీ కెమెరాల ఫుటేజీని పరిశీలించే అవకాశం ఉంది.

అపహరణకు గురైన ఫైళ్లను గుర్తించి, వాటిని తిరిగి స్వాధీనం చేసుకునేందుకు అధికారులు చర్యలు చేపట్టినట్లు సమాచారం. ఘటనపై పూర్తి వివరాలు పోలీసుల దర్యాప్తు అనంతరం వెల్లడయ్యే అవకాశం ఉంది.

మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి

ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.