తెలంగాణ రక్షణ సేనలోకి కాంగ్రెస్, బీఆర్ఎస్ కార్యకర్తల చేరిక
ఇచ్చోడ మండలం మాదాపూర్లో టీఆర్ఎస్కు బలోపేతం..
మైనారిటీ జనరల్ సెక్రటరీగా ఎండీ అసిఫ్ నియామకం
ఆదిలాబాద్, ఆగస్టు 18, మన భారత్: బోథ్ నియోజకవర్గంలోని ఇచ్చోడ మండలం మాదాపూర్ గ్రామానికి చెందిన పలువురు కాంగ్రెస్, బీఆర్ఎస్ కార్యకర్తలు తెలంగాణ రక్షణ సేన (TRS) పార్టీలో చేరారు. టీఆర్ఎస్ పార్టీ రాష్ట్ర అబ్జర్వర్, బోథ్ నియోజకవర్గ పార్టీ ఇన్చార్జ్, మాజీ ఎమ్మెల్యే రాథోడ్ బాపురావు ఆధ్వర్యంలో జరిగిన కార్యక్రమంలో పలువురు కార్యకర్తలు పార్టీలో చేరగా, వారికి పార్టీ కండువాలు కప్పి ఆయన సాదరంగా ఆహ్వానించారు.
పార్టీ బలోపేతానికి కృషి చేయాలి
ఈ సందర్భంగా రాథోడ్ బాపురావు మాట్లాడుతూ.. పార్టీ బలోపేతానికి ప్రతి కార్యకర్త అంకితభావంతో పనిచేయాలని సూచించారు. ప్రజా సమస్యలను గుర్తించి వాటి పరిష్కారం కోసం పార్టీ శ్రేణులు నిరంతరం ప్రజలకు అందుబాటులో ఉండాలని అన్నారు. గ్రామస్థాయిలో పార్టీని మరింత బలోపేతం చేసేందుకు కార్యకర్తలు సమన్వయంతో పనిచేయాలని పిలుపునిచ్చారు.
టీఆర్ఎస్లో చేరిన ప్రతి కార్యకర్తకు పార్టీలో సముచిత గుర్తింపు, గౌరవం ఉంటుందని రాథోడ్ బాపురావు తెలిపారు. ప్రజల సమస్యలపై పోరాడుతూ పార్టీ సిద్ధాంతాలను ప్రజల్లోకి తీసుకెళ్లాలని సూచించారు.
మైనారిటీ జనరల్ సెక్రటరీగా ఎండీ అసిఫ్
ఈ సందర్భంగా ఇచ్చోడ మండల టీఆర్ఎస్ మైనారిటీ జనరల్ సెక్రటరీగా ఎండీ అసిఫ్ను నియమించారు. నియామక పత్రాన్ని అందజేసిన అనంతరం రాథోడ్ బాపురావు ఆయనకు శుభాకాంక్షలు తెలిపారు.
మైనారిటీ వర్గాల సమస్యలను తెలుసుకుని వాటి పరిష్కారం కోసం కృషి చేయాలని, పార్టీ సంస్థాగత కార్యక్రమాల్లో చురుకుగా పాల్గొనాలని సూచించారు. ఇచ్చోడ మండలంలో పార్టీకి మరింత బలం చేకూర్చేలా కార్యకర్తలతో సమన్వయం చేసుకుని పనిచేయాలని అన్నారు.
ఈ కార్యక్రమంలో మండల కన్వీనర్ బిలాల్ బాయ్, మండల మైనారిటీ అధ్యక్షుడు షేక్ ఫారిద్ హుస్సేన్, అసిఫ్, ముస్తఫా, మహ్మద్ ఆఫీస్, గోరి ఖలీమ్, అజీమ్, సనావుల్లా, ఇమ్రాన్, జాకీర్, వాకర్, గంగారెడ్డి తదితర నాయకులు, కార్యకర్తలు పాల్గొన్నారు.
మాదాపూర్ గ్రామానికి చెందిన పలువురు కాంగ్రెస్, బీఆర్ఎస్ కార్యకర్తలు టీఆర్ఎస్లో చేరడంతో మండలంలో పార్టీ కార్యకలాపాలు మరింత ఊపందుకుంటాయని నాయకులు తెలిపారు.
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
